السلام عليكم ورحمة الله ..
تدوينة اليوم من نوع ( DIY ) ♥
أحب هالنوع من التدوينات بس مو دايما أعمل DIY للأسف بس أستمتع و أنا أشوف تطبيقات ع اليوتيوب .
عموما نشوف إيش سويت هالمرة :
Ripped jeans
أو
الجينز المقطع : /
الفترة الأخيرة نشوف الجينزات أغلبها يكون من فوق لتحت مقطع أو مشقق بشكل جميل جدا
فـ جات هالفكرة براسي لمن كنت أفرز الملابس اللي ما أحتاجها أو قدمت وهيك طلعت يمكن ٥ جينزات ما أبغاها
وكان هذا من ضمنهم حسيت موديله عادي جدا جينز ساده و له تقريبا عندي ٣ سنوات فـ قلت بدال ما أرميه ألعب فيه أحسن : D
الأدوات المطلوبة :
أحتجت مقص كبير وحاد لأن زي ماتعرفون القماش الجينز ثقيل + سكين وبنص الشغل أحتجت مشرط بس للأسف ما كان متوفر عندي +قلم كحل أبيض أو هايلايتر عشان نخطط ع القماش + و أكيد إي جينز عندك .
أول خطوه : فكرت بـ الشكل أنا كيف أبغاه مقطع شوي والا كثير مرتب والا عشوائي و طلع معاي هالشكل خطوط قريبة من بعض بشكل مرتب لكامل الجينز و فوق مرا عند بداية الفخوذ بدأت أخفف الشق شوي lol
و خططت بالكحل الأبيض عشان أمشي عليه .. الأفضل أنه قبل ما تخططي تلبسي البنطلون وتخططي وهوا عليك عشان تجي المقاسات مزبوطه ( =
الخطوه الثانية : مسكت السكين و بدأت أمررها ع الخطوط البيضا كأني أقطع فواكه XD
وبعد كذا صار عندي زي الشق الخفيف قطعته بالطول بالمقص وكل ما تصغرون الشق يطلع أفضل عشان بالنهاية ترجعون تكبرونه زي ماتبغون .
خلصت الجزء الأول وهنا أحتجت المشرط عشان أبدأ اطلع الخيوط ويطلع شكلها زي البناطيل اللي بـ الأسواق عرفتو الخطوط الخفيفه اللي ع نفس الشق ( ورطت ماعرفت اشرح )
وبعد كذا سويت الجزء الثاني نفس الحكاية بالقلم وبعده قطعته .
هنا شكله النهائي وباللبس طالع جدا جميل الفتحات واضحه مو زي كذا مقفله .
هنا شكله باللبس قبل ما أوسع الفتحات بيدي يعني لما تلبسيه أبدأي وسعيها بيدك ولو فيه مشرط أفضل بس أنتبهي ع حالك اكيد .
..
Thats it hope u like it
and see ya soon
حابين تتواصلو معاي :
Twitter : @Glamourizz ❤
E-mail : Glamour--16@hotmail.com ❤
ask : ask.fm/Glamourizz ❤
ليست هناك تعليقات:
إرسال تعليق
جملو مدونتي بـ تعليقاتكم الجميله :*