مرحبا ( =
بوست جا ع السريع وما خططت له عفوي يعني :D
طبعا اللي يتابعوني ع التويتر يعرفو إني مسافره للرياض أن شاء الله أسبوعين و راجعه جده
فـ اليوم كنت أرتب شنطتي و أنا فبالي أنه الويكند راح أسوي بوست كنت حاطته فـ النوت عندي كـ فكره يعني
فـ ربي ماكتب أنه ينزل الحين و ذا اللي هو وليد اللحظه على قولهم نزل خخخ
حتى ماني عارفه ايش هي فكرة ذا البوست غير أنه هالباق الصغيره مخصصتها لـ الأغراض المهمه اللي أحب أوصل لها
سواء كنت بـ سفر أو طلعه عاديه يعني أحط فيها ميك آب و أغراض ثانيه اللي ماأقدر أستغني عنها !
و أنا أرتبها قلت ليه ماأصورها و أنزل هالشي فـ المدونة *:
يلا نبدأ :
هذي الشنطه من H&M ماأعرف إذا موجوده للآن أخذتها قبل 3 شهور أو أقل فيه منها لون عنابي أو موف بس عجبني هاللون أكثر ,, حبيت حجمها تشيل أشياااااااء و أشيااااااء ههههههه سعرها يا ٣٩ أو ٢٩ ريال ما أفتكر
غسول و مرطب لـ وجهي ^^ مرتاحه على هالماركه QV :
الغسول : ١- لطيف ع البشره
٢- خالي من الصابون و هذا أهم شي .
٣- غير عطري و أعتقد أغلبكم ما يحب الأشياء العطريه ع الوجه أحسها تحرقني !
٤- قوامه كريمي وما فيه رغوه أو حبيبات
المرطب : طبعآ أحط نقطه بس لأنه يتوزع كثير معايا .
بس عيب الغسول ريحته ماتعجبني هي عاديه بس أنا أحب الشي اللي ريحته فواحه و بما إني ما أحب الكريمات المعطره فـ لازم أتحمل أنها بدون ريحه !
عموما الغسول الحجم ذا بـ ٥٠ و الأكبر أغلى أكيد المرطب نسيت سعره
أكيد هالأثنين لازم بالسفر !
وما أحب أشتري الحجم الكبير لأن آخر مره أشتريت حجم كبير و بعد فتره ريحته قلبت ! و رميته
أستخدم هالحجم كويس أخلصه وهو زي ما هو تمام معايا .
أشياء النظافه يعني المهمه ! ديودرنت نيفيا مناسبني لطيف جدا
أعواد أذاني ماأخذت كل العلبه ,, فرشة أسناني Oral B و برضو الفلوس أو خيط الأسنان من أورآل بي
ما أستغني عنه ما أحس إني فرشت أسناني الا إذا أستخدمت الخيط
المعجون كرست أول تجربه لي بس ماحبيته حبيت كرست الثاني اللي أزرق و فيه حبيبات هذا اللي عندي أبيض ماعجبني @@
كنت بقول عدة الميك اب بس أحس مافي شي ههههههه طبعا سفر يعني مافيه جمعات و بسطات فـ أكيد ما راح أخذ الا مكياجي اليومي .
فاونديشن هيلثي مكس شبه مخلص و هذي ثانيه علبه من يوم ما وقعت فـ حبه .
طبعا فرشة صغيره هي لـ البلآشر بس نادرا ما أستخدمها قلت اخذها لـ صغر حجمها أولا و ثانيا أستخدمها لـ البآودر & البلآشر بس قررت ما أخذ البلآشر لأني راح أخذ بلاشر كريمي و أحب أوزعه بيدي !
وبعد كل هالفلسفه نسيت أصور الباودر بس بودرتي العاديه من ماك ( =
و تاتو فور إيفر للحواجب & آي لاينر ميبلين و فرشته و أفضل من ماك بـ مية مررره
مسكآرا ريمل حبيبتي بعد لآنكوم طبعآ مكياجي فاونديشن خفيف بودره ومسكآرا و أرسم حواجبي و بلاشر
فـ النهاية ذا الروج السحري $: أي أحبببه عشق من ايام المتوسط بالمدرسة $:
أحبه و أحطه يوميا و أشتري كميات منه و أخذته كندا معايا و بكل مكااان استخدمه و بريالين خخخ
وقت السفر كلنا نحب نشيل الميني ثينقز أخذت شآور جل HERMES ريحته فواااحه لـ أبعد حد تحسين أنك أخذتي شآور بـ قارورة عطر و هنا علبة عبيتها من عطري لأن مابي أشيل العطر الكبير
وكريم يدي العادي .
فـ وقت السفر أحب أحط الوان مناكير غامقه ماأعرف ليه فـ أخذت الأسود بما أن اظافري مو طويله هاليومين
و أخذت الفرنش أحب أحطه لو أنعزمت ع عشآ فـ مطعم ماأدري ليه أحس أني أنتيك ههههههههه $:
وهاللون البرآونيش بطفشكم فيه .
بالنهاية مناديل جونسون أنظف فيها الميك آب و أحب اشيلها بالسفر بالذات لو رحلات طويله امسح فيها وجهي تنعنشه شوي
و بنس للبيت طبعا ( =
هذي الأشياء اللي ماأقدر أستغني عنها بـ سفراتي سواء رحله أم ١٤ ساعه أو ساعه ونص خخخخ
أتمنى لي سفره مريحه بجد : | !
بنات الرياض قولوا لي بـ تويتر إيش أفضل مطاعمكم و كافيهاتكم و اسواقكم $: $:
أحبكم كلكم
سوري إذا شكل الصور مزعج لأني مكبرتها أحس و هي صغيره مرا تظلم التصوير ^^
و حاولت أشيل الرقم اللي لازم تدخلونه لو بتكتبون كومنت بس مرا ماعرفت راح أحاول أحل هالمشكله بـ اسرع وقت و اللي تعرف تقول لي ( =
see ya soon
حابين تتواصلو معاي :
Twitter : @Glamourizz ❤
E-mail : Glamour--16@hotmail.com ❤
ask : ask.fm/Glamourizz ❤
