منتجات ماحبيتها * ;

السلام عليكم ورحمة الله ❤ ❤

مس يو $; 

تدوينة اليوم ماني عارفه إيش أصنفها أو ايش أسميها بشرح لكم عاد :

بعرض لكم منتجات جربتها لفترة طويلة وما حبيتها وما رجعت أشتريتها بعد كذا وما ناسبتني شخصيا 

يعني ( ما ناسبتني ممكن تناسبك و العكس ) كالعاده إي منتج مايعجبني أحاول أصرفه بـ إي شي أو أستخدمه لين مايخلص ههههههه

ما يطاوعني قلبي أرميه :D أو ممكن أخليه ع التسريحه بس مسحوب عليه طبعا .

نبدأ : *

أول شي كريم العيون  مجموعة ايفن بتر آيز ماركة ( كلينك ) 

ع حسب كلامهم يخفف الدارك سيركل ( الهالات السوداء ) ويعمل كـ مصحح .

أنا هالاتي شوي واضحه يعني لازم احط كونسيلر ومزعجتني جدا لأنها ما كانت كذا ولا هي وراثة من بعد الولاده طلعت ولا راحت :(

فـ لأنها مو وراثة وجات فجأه جالسه أحاول أخففها .

هالكريم ماأعرف يعني أبد ما لاحظت انه سوا شي الا تقريبا 10% بعد الأستخدام وممكن أنه يتهيألي  ممكن تبان نتيجته اذا أستمريت عليه سنييين !

الشي الحلو فيه انه فيه حديده ( نسيت أصورها ) وتبرد ع منطقة العين وانتي تعملي لها مساج 

و الشي اللي مررره ماعجبني أنه بعد 6 شهور من فتحك للكريم خلاص مايصلح تستخدميه لازم ينرمي . 

وانا احط نقطه منه تكفيني فـ حرام الباقي ينرمي @: 

ما راح أشتريه مره ثانيه ما حسيته ناسبني و سعره غالي عليه أنا عارفه هذي اسعار كلينك بس فيه أرخص بمفعول احسن

مزيل المناكير مانيتكس موجود بكل مكان هو عادي جدا مافيه شي مميز وأنا أستخدمه لما أمسح مناكير رجليني و أحيانا مناكير يديني بس لاحظت أنه يجفف الظفر و سبب لي تشقق فـ كذا أظفير . أغلب المزيلات تجفف ولازم ترطيب بعد ماتمسحي المناكير بس هذا حسيته قوي شوي , ما حرجع اشتريه بدور ماركة ثانيه .

كحل سائل من ماك : من زمان اشتريته وخلصته تقريبا بس مااعرف ليه ما رميته عموما صرت استخدم حق ميبيلين لأن حق ماك ينشف بسرعه 

و سواده مو قوي ماحبيته يعني .

بلآشر كريمي من nyx 

هذا اللي تمقلبت فيه صدق :( مدحوه رفعوه للسمآ , خايس جدا و أحاول أخلصه صرت احطه ف البيت بس .

ما يكمل ساعه ع الخدود ع طول يختفي و حسيته ثقيل بالدمج ! 

مستحيل أشتريه مكتفيه بـ البنتنت تبع بنفت .

ع اليمين مسكآرا ريميل الخضرا <- طيب قولي أسمها خخخخ تعودت أوصفها بالألوان .

قد تكلمت عنها بـ الانستقرام ماأدري احسها حلوه ومو حلوه . يعني اوكي تعطي كثافة شوي بس الشي السيئ حسيتها تتناثر تحت العين بعكس الأورانج . 

ما راح ارجع اشتريها اكيد .

الشي اللي ع اليسار ما أعرف كيف تهورت و أشتريته مع أحترامي لشركة ( مكياجي ) بس نادرا ما يعجبني شي منهم ولا أدخل المحل كثير . المهم هالشي عبارة عن مسكارا بنيه و الجهه الثانية آي لآينر .

انا اشتريته ع أساس أستخدمه لحواجبي مو رموشي . سيء جدا سواء للحواجب او الرموش السائل اللي جوا كأنو مويا . 

وبس أكرر ممكن شي من هالمنتجات ناسب وحده فيكم بس أنا ما ناسبني *: 

سنة جديده حلوه علينا وعليكم يا رب .

أستنى كومنتاتكم هنا و بتويتر $:

حابين تتواصلو معاي :

Twitter : @Glamourizz ❤

E-mail : Glamour--16@hotmail.com ❤

ask : ask.fm/Glamourizz ❤

instagram : GLAMOUR00 ❤